******ကြုံဖူးတဲ့အဖြစ်တွေရယ်*****

ကျွန်တော်နေခဲ့ဖူးတဲ့ဘင်္ဂလားနဲ့မြန်မာနယ်စပ်ကမောင်တောမြို့နယ်မှာကြုံခဲ့ရတဲ့အကြောင်းလေးပြောပြမယ်ဗျာ။ဒီကိစ္စဖြစ်တဲ့အချိန်မှာတပ်ထဲမှာမဟုတ်တော့ဘူး။လဝကကိုရောက်နေပြီဗျ။ဒါပေမယ့်အခုကိစ္စဖြစ်တဲ့နေရာနစက(နယ်စပ်ဒေသလူဝင်မှုစစ်ဆေးရေးဌာနချုပ်)ဆိုတာတပ်မတော်ကက(နယ်)လက်အောက်ခံဗျ။နယ်စပ်မျဉ်းမှာတပ်ဖွဲ့စည်းပုံနဲ့ထားရင်နိုင်ငံတကာကဖိအားပေးမှာစိုးလို့လဝကအမည်ခံပြီးတပ်ကိုချထားတာပေါ့ဗျာ။နစကမှာတပ်မတော်၊ရဲတပ်ဖွဲ့၊လဝက၊အကခဆိုတဲ့အဖွဲ့၎ဖွဲ့ပေါင်းထားတာ။တပ်ကတော့အများဆုံးပေါ့။အဓိကတာဝန်ကဘင်္ဂလားကနေခိုးဝင်လာတဲ့သူတွေကိုတားဆီးဖို့ပါ။၁၉၉၂ခုနှစ်မှာစပြီးဖွဲ့စည်းခဲ့တာဖြစ်ပြီးနယ်မြေပေါင်း၉ခုပါဝင်ပါတယ်။ဌာနချုပ်ကမောင်တောမြို့ကနေ၁၄မိုင်အကွာမှာရှိတဲ့ကျီးကန်ပြင်ရွာမှာထိုင်ထားတယ်ဗျ။ဌာနချုပ်ထိုင်ထားတဲ့နေရာကမဟာဗျူဟာကျတယ်လေ။မောင်တောကနေအပေါ်ပိုင်းမှာရှိတဲ့တောင်ပြိုဝဲ/ယာ၊ရွက်ညိုတောင်၊ငါးခူရသွားဖို့အတွက်စက်လှေစခန်းလုပ်ထားတဲ့ကြိမ်ချောင်းကိုသွားတဲ့ကားလမ်းကဌာနချုပ်ရှေ့ကနေသွားရတာလေ။ထားလိုက်ပါဗျာ။ဒါတွေကအရေးမကြီးပါဘူး။အရေးကြီးတာကမောင်တောမြို့ပေါ်မှာရှိတဲ့အမှတ်(၁)ဝင်ထွက်စခန်းကိုတော့မျက်စိထဲမှာပေါ်ထားမှဖြစ်မှာမို့ရှင်းပြမယ်။
မောင်တောမြို့မှာဘင်္ဂလားနဲ့တရားဝင်နယ်စပ်ဖြတ်ကျော်ခွင့်ပြုထားတာကအမှတ်(၁)ဝင်ထွက်စခန်းဗျ။သူကနတ်မြစ်ရဲ့လက်တက်တစ်ခုထဲမှာအထဲကိုကိုက်၁၅၀၀လောက်မှာထိုင်ထားတာ။အဲဒီစခန်းကနေကြည့်လိုက်ရင်နတ်မြစ်ကြီးကိုဘဲမြင်ရတယ်။အဲဒီစခန်းအောက်မှာမောင်နီကင်းစခန်းဆိုတာရှိသေးတယ်ဗျ။သူကတော့မောင်တောမြို့တောင်ဘက်အစွန်မှာ။ပင်မအမှတ်(၁)စခန်းနဲ့ဆိုရင်မြို့ဟိုဘက်ဒီဘက်ထိပ်ပေါ့ဗျာ။ပုံမှန်ဆိုရင်မောင်တောမြို့ထဲကနေဖြတ်သွားကြတယ်ပေါ့ဗျာ။ကျွန်တော်အခုပြောမယ့်ဇာတ်လမ်းကအဲဒီမောင်နီစခန်းကစတာဘဲဗျို့။
ကျွန်တော့်ကိုမောင်နီကင်းစခန်းမှာတာဝန်ချတော့တော်တော်စိတ်ပျက်မိတယ်။ဟုတ်တယ်လေဗျာ၊မြို့ပေါ်နေရမလားဆိုပြီးပျော်နေတုန်းတောထဲပြန်ပို့ခံလိုက်ရသလိုဖြစ်နေတာကိုး။မောင်နီကင်းစခန်းဆိုတာပတ်ပတ်လည်ကဘင်္ဂလီရွာဘဲရှိတာ။လုံခြုံရေးကလည်းသတိထားရသေးတယ်။အမှားမခံဘူးဗျ။မောင်နီကင်းစခန်းမှာပုံမှန်အလုပ်က၃မိုင်လောက်ဝေးတဲ့မြစ်ကမ်းမှာမနက်တခေါက်၊ညနေတခေါက်သွားပြီးငါးဖမ်းလှေတွေကိုစစ်ရတာပါဘဲ။မြစ်ဆိပ်ဆိုပေမယ့်ပင်လယ်ဝနားဆိုတော့ဒီရေအတက်အကျရှိတယ်။လှိုင်းကြီးတယ်။မြစ်ထဲကရေချိုနဲ့ပင်လယ်ကရေငန်ဆုံတဲ့နေရာဆိုတော့ရေကလည်းကြမ်းတယ်။ခြုံပြောရရင်နယ်မြေကြမ်းတယ်ပေါ့ဗျာ။
မှတ်မှတ်ရရကျွန်တော်မောင်နီစခန်းရောက်တော့၂၀၀၇အောက်တိုဘာလထဲမှာဗျ။သီတင်းကျွတ်လပြည့်ခါနီးဘဲ။ဘယ်နှရက်ဆိုတာတော့မမှတ်မိဘူး။ရှေ့ကကျွန်တော်နဲ့လဲမယ့်စခန်းမှူးကနစကမှာတစ်နှစ်ပြည့်လို့ပြည်မအပြီးပြန်ရမယ့်ရဲအုပ်တစ်ယောက်ဗျ။သူ့ဆီကတာဝန်နဲ့လက်နက်တွေစစ်ဆေးလက်ခံပြီးတော့ညပိုင်းကျမှနစကရဲ့အမာခံသတင်းပေးတွေနဲ့မိတ်ဆက်ပေးတယ်။သတင်းပေးတွေခမျာလည်းသူတို့ကိုသတင်းပေးလို့သိရင်ကျန်တဲ့ရွာသားတွေကအသေသတ်မှာဆိုတော့ညကျမှတိတ်တိတ်လေးလာလာတွေ့ကြရှာတယ်။ကျွန်တော့်စခန်းမှာအမာခံသတင်းပေးတွေကဘော်ရှီး၊ဟာနူး၊မာရီးဘိုးဆိုပြီး၃ယောက်ရှိတယ်။အဲဒီအထဲမှာဘော်ရှီးကအသက်အကြီးဆုံးနဲ့သူကအချမ်းသာဆုံး။သူကမောင်တောနဲ့တက္ကနဖ်ကူးတဲ့ကူးတို့တစ်စီးထောင်ထားတယ်။အငယ်ဆုံးကတော့မာရီးဘိုးတဲ့။ဒီကောင်ကတက္ကနဖ်ဘက်မှာဆိုင်ကယ်ပြင်ငှားဆိုင်ဖွင့်ထားတယ်။ဟာနူးကတော့စခန်းမှာဝေယျာဝစ္စလိုအပ်တာအကုန်တာဝန်ယူပေးတယ်။ဒီကောင်ကျတော့တံငါသည်ဗျ။
တစ်ညတော့ဘော်ရှီးကျွန်တော့်ဆီကိုရောက်လာတယ်။ဟိုဖက်ကမ်းကမာရီးဘိုးကအရေးကြီးသတင်းပေးစရာရှိလို့ညကျရင်ကမ်းနားဆင်းခဲ့ဖို့မှာလိုက်တယ်ဆိုဘဲဗျ။အဲဒါနဲ့ညကျတော့ကျွနိတော်လည်းရဲတပ်သားလေးမျိုးလှိုင်နဲ့လဝကကကျော်စိုးတို့ကိုခေါ်ပြီးဘော်ရှီးနဲ့အတူကမ်းနားဘက်ကိုဆင်းခဲ့လိုက်တယ်။စခန်းနဲ့ကမ်းနားကရေတက်ချိန်ဆိုတော့ပုဇွန်ကန်တွေကိုရှောင်ပြီးလမ်းလျှောက်ရတာ၁၅မိနစ်လောက်ကြာတယ်။ကမ်းနားရောက်တော့မာရီးဘိုးကရောက်နေပြီ။သူပုံစံကြည့်ရတာအတော်စိတ်လှုပ်ရှားနေတဲ့ပုံဗျ။ကျွန်တော်ကဘဲစပြီးတော့''မာရီးဘိုးပြောစမ်းပါဦး။ဘာတွေအရေးကြီးလို့လဲ။''မေးလိုက်တော့''ဗိုလ်ကြီးကျွန်တော်သတင်းတစ်ခုအတိအကျရထားတယ်။ဟိုဖက်ကမ်းကသူဌေးမာမက်ဆော်လိန်ကမနက်ဖန်ည၂နာရီနဲ့၃နာရီကြားထဲဆေးခြောက်နဲ့သစ်နဲ့လဲလိမ့်မယ်။တနိကြေးကသိန်း၈၀၀ကျော်လိမ့်မယ်''လို့ပြန်ဖြေတော့ကျွနိတော်မျက်လုံးပြူးသွားတယ်။နည်းတဲ့ပမာဏမှမဟုတ်တာ။စိတ်ထဲမှာဌာနချုပ်ကိုသတင်းပို့ထားရင်ကောင်းမလားလို့တွေးမိသေးတယ်။ဌာနချုပ်ကိုသတင်းပို့ပြီးမှမဖမ်းမိရင်အထုခံရဦးမှာဆိုတော့မပို့ဖို့ဘဲဆုံးဖြတ်လိုက်တယ်။
မာရီးဘိုးကဆက်ပြီးတော့''ဒီဘက်ကသစ်သမားတွေကမန်ကျည်းချောင်းအတိုင်းဆင်းလာမယ်။မြစ်ကြီးထဲရောက်မှကိုင်းစုရွာပျက်နားမှာပစ္စည်းတွေလဲမယ်လို့သတင်းရထားတာဗိုလ်ကြီး''လို့ပြောတော့''မင်းဟာသေချာရဲ့လားကွာ''လို့မေးလိုက်တယ်။မေးမယ့်သာမေးတာပါ။ဒီကောင်ဆီကသတင်းဆိုရင်မမှားဖူးဘူးလို့စခန်းမှူးအစဉ်အဆက်ကသုံးသပ်ထားတယ်ဗျ။မာရီးဘိုးက''သေချာတယ်ဗျ။သူဌေးကိုယ်စားလှယ်ကောင်ကျွန်တော်ဆိုင်မှာဆိုင်ကယ်လာပြင်ရင်းဒီဘက်ကမ်းကကောင်ကိုဂရုစိုက်ဖို့နဲ့သူတို့သူဌေးကိုယ်တိုင်ပါလာမယ်လို့ဒီကောင်တွေအချင်းချင်းဆော်ဒီလိုပြောနေတာ။ကျွန်တော့်ကိုဆော်ဒီစကားတတ်မှန်းမသိကြလို့ပေါ့''လို့ဆက်ပြောတယ်။ဒါဆိုရင်တော့ဒီသတင်းကသေချာတယ်လို့သုံးသပ်ရတော့မှာပေါ့။ကျွန်တော်က''ကောင်းပြီမာရီးဘိုး။ကျေးဇူးဘဲကွာ''ပြောပြီးပြန်လာလိုက်တယ်။
စခန်းရောက်တော့မနက်ဖြန်အတွက်အစီအစဉ်ဆွဲရတော့တာပေါ့။ဒီလိုနဲ့ညနေစောင်းထမင်းစားပြီးချိန်မှာစခန်းမှာအသက်အငယ်ဆုံးတပ်သားသစ်လေးဝင်းဇော်ကိုကင်းသေချာစောင့်ဖို့မှာထားပြီးဘော်ရှီးသား၂ယောက်ကိုပါစခန်းမှာလာအိပ်ခိုင်းလိုက်တယ်။ထွက်ဖမ်းမယ့်အဖွဲ့ကကျွန်တော်အပါအဝင်၁၇ယောက်ဖြစ်ပြီးလက်နက်တွေနဲ့ခဲယမ်းတွေကိုညနေကတည်းကစစ်ခိုင်းထားလို့အကုန်အသင့်ဖြစ်ပြီပြောရမှာပေါ့။ကျွန်တော့်အဖွဲ့ကိုဂရုစိုက်ဖို့အသေးစိတ်မှာပြီးကမ်းနားဘက်ကိုဆင်းလာလိုက်တယ်။လပြည့်ခါနီးဆိုတော့လင်းချင်းနေတာဘဲဗျို့။
ကျွန်တော့်အစီအစဉ်ကပထမဆုံးမန်ကျည်းချောင်းထဲကထွက်မယ့်သစ်လှေကိုစောင့်ဖမ်းမယ်။သစ်လှေကိုမိရင်ပါတဲ့လူတွေအကုန်ချုပ်ပြီးကျွနိတော်တို့အဖွဲ့ကလှေပေါ်တက်သူတို့နဲ့ချိန်းတဲ့နေရာကိုသွားစောင့်ပြီးဟိုဖက်ကမ်းကလာမယ့်လှေကိုစောင့်ဖမ်းမယ်ပေါ့။စိတ်ကူးထဲမှာတော့ဖြောင့်နေတာဘဲ။
တိုတိုပြောရရင်မန်ကျည်းချောင်းထဲကသစ်လှေကိုမိလိုက်တယ်ပေါ့ဗျာ။အေးအေးဆေးဆေးဘဲ။ကျွန်တော်အဖွဲ့ထဲက၄ယောက်ကိုတရားခံတွေနဲ့အတူစခန်းပြန်လွှတ်လိုက်တယ်။ကျန်တဲ့ကျွန်တော်အပါအဝင်၁၃ယောက်ကလှေနဲ့အတူကိုင်းစုရွာပျက်ဘက်ကိုထွက်လာလိုက်တယ်။ကိုင်းစုရွာပျက်ဆိုတာမောင်တောမြို့ကနေအနောက်ဘက်၆မိုင်လောက်မှာရှိပြီးတံငါရွာလေးပါ။ကျွန်တော်တို့ဆီကလူတွေအကြောင်းကိစ္စမရှိရင်သွားလေ့သွားထမရှိတဲ့အညိုရောင်နယ်မြေပါ။
ဒီလိုနဲ့ကိုင်းစုရွာပျက်နားရောက်တော့လှေတစ်စီးရပ်ထားတာတွေ့တယ်။အဲဒီလှေနဲ့ကျွန်တော်တို့လှေ၁၀ပေလောက်အကွာမှာကျွန်တော်တို့အဖွဲ့လည်းမပြေးနဲ့။လက်မြောက်။နစကတွေဝိုင်းထားပြီဘာညာပေါ့ဗျာ။အော်ပြောတော့ပြန်လည်းမထူးဘူး။လှေကလည်းလူတောင်မှပါရဲ့လားလို့ထင်ရအောင်တိတ်ဆိတ်လို့။စိတ်ထဲမှာတစ်ခုခုမှားနေပြီလို့ခံစားနေရတာနဲ့ကျွန်တော့်အဖွဲ့ကလက်ရဲဇတ်ရဲရှိတဲ့ကောင်၃ယောက်လောက်ကိုဟိုဘက်လှေပေါ်ကူးတက်ခိုင်းလိုက်တယ်။ကျွန်တော်တို့ကဒီဘက်လှေပေါ်မှာစောင့်နေကြတယ်။ခဏနေတော့လှေထဲဆင်းကြည့်ခိုင်းတဲ့အဖွဲ့ကနေသေနတ်သံကြားလိုက်ရပြီးအော်ဟစ်သံတွေထွက်လာတော့ကျွနိတော်တို့လည်းခုန်ကူးလိုက်တယ်။
အဲဒီတော့မှကျွန်တော့်ကောင်တွေဘာကိုတွေ့လို့ဘာကိုပစ်ပြီးအော်သလဲဆိုတာသိတော့တယ်။ကျွန်တော်တောင်မှမြင်ရတဲ့မြင်ကွင်းကိုသွေးပျက်ပြီးလက်ထဲကပစ္စတိုကိုကျည်ကပ်ကုန်တဲ့အထိပစ်မိလိုက်သေးတယ်။
သွေးမပျက်ခံနိုင်ရိုးလားဗျာ။ကြည့်ဦးလေ။လှေပေါင်းခန်းထဲမှာနွားပေါက်လောက်မည်းမည်းအမွှေးထူထူအကောင်ကြီးတစ်ကောင်ကလူရဲ့ဗိုက်ထဲကအူတွေ၊ကလီစာတွေကိုဆွဲပြီးစားပြနေတာကိုး။ကျွန်တော်လည်းပစ်နေလိုက်တာကျည်ကုန်မှရပ်တော့တယ်။အဲဒီတော့မှကြည့်မိတော့အကောင်ကြီးကမရှိတော့ဘူး။သေနဲ့အလောင်း၅လောင်းဘဲတွေ့တော့တယ်။အဲဒီအချိန်မှာလှေကသိမ့်ကနဲလှုပ်သွားလို့လှည့်ကြည့်လိုက်တော့ခုနကအကောင်ကလှေပေါ်ကနေကိုင်းစုရွာပျက်ဘက်ကမ်းပေါ်ခုန်တက်သွားတာဗျ။ကြည့်နေတုန်းဘဲအကောင်ကြီးကမန်ကျည်းပင်တစ်ပင်ပေါ်တက်သွားတာဗျို့။တက်သွားတာကမြန်သလားမမေးနဲ့။တစ်ခုဘဲရှိတယ်။ဇောက်ထိုးကြီးတက်သွားတာဗျ။ဘာလို့လဲဆိုမျက်လုံးလို့ယူဆရတဲ့နီနီအလုံး၂လုံးကအောက်ကနေပြီးကိုယ်လုံးလို့ယူဆရတဲ့မည်းမည်းကြီးကအပေါ်မှာဖြစ်နေလို့ဗျ။
ကျွန်တော်တို့လည်းစခန်းကိုစက်နဲ့အကြောင်းကြားပြီးလုပ်စရာရှိတာဆက်လုပ်ကြတာပေါ့ဗျာ။ဌာနချုပ်ကညွှန်ကြားတဲ့အတိုင်းလှေနှစ်စီးကိုအမှတ်(၁)စခန်းကိုလှော်သွားခိုင်းလိုက်ပြီးအလောင်းတွေကိုတော့ဓါတ်ပုံရိုက်ပြီးတော့ကျွန်တော့်အဖွဲ့ထဲကဗလအတောင့်ဆုံးချစ်မင်းဆိုတဲ့ရဲတပ်သားလေးကအိတ်တစ်လုံးထဲမှာစုထည့်ပြီးထမ်းဖို့လုပ်နေတယ်။အလောင်းတွေကလည်းဗျာဟိုတစ်စဒီတစ်စဖြစ်နေတော့လိုက်ကောက်နေရတာအချိန်ကိုကုနိရောဘဲ။ပြီးတာနဲ့စခန်းပြန်မလို့လူစစ်ကြည့်တော့အဖွဲ့က၉ယောက်ဘဲကျန်တော့တယ်။ပြန်ထွက်လာတော့လလေးကထိန်တော့လမ်းတလျှောက်လင်းနေတာပေါ့ဗျာ။
ဗလကြီးမောင်ချစ်မင်းကတော့အလောင်းအိတ်ကြီးကိုသူတစ်ယောက်တည်းထမ်းရတော့တဗျစ်တောက်တောက်နဲ့ပေါ့။၁၅မိနစ်လောက်ကြာတော့ချစ်မင်းဆီကနေ''တောက်။Lီးလိုဘဲ$ကုလားကသေတာတောင်ငါ့ကိုဒုက္ခပေးနေသေးတယ်။ထမ်းရတာကြာတော့အိတ်ကပိုပိုလေးလာတယ်။''လို့ပြောတော့တစ်ဖွဲ့လုံးကဝိုင်းရယ်ကြတာပေါ့။
ကျွန်တော်တို့လျှောက်ခဲ့တာလမ်းမဟုတ်ဘူးဗျ။ပုဇွန်ကန်ဘောင်ရိုးတွေကနေလျှောက်လာတာ။လူတစ်ယောက်စာမို့တန်းစီလျှောက်လာတာ။ကျွန်တော်ကအရှေ့ဆုံးမှာနောက်ဆုံးပွိုင့်ကိုလဝကကဇေယျာဆိုတဲ့ကောင်လေးကပိတ်ထားတယ်။သူ့ရှေ့မှာမှချစ်မင်းကအလောင်းအိတ်ကြီးထမ်းလို့ပေါ့ဗျာ။ဒီလိုနဲ့စကားတပြောပြောနဲ့လမ်းလျှောက်လာတာစခန်းနဲ့၁မိုင်လောက်ဝေးတဲ့နေရာကချောင်းရိုးလေးထဲရောက်လာရော။ကျွနိတော်ကရှေ့ဆုံးကနေချောင်းရိုးလေးပေါ်တက်ပြီးနောက်လှည့်အကြည့်
ဘုရားရေ။ကျွန်တော်တို့နောက်မှာလူတွေမနည်းပါလား။သေသေချာချာကြည့်တော့မှချစ်မင်းကအနောက်ဆုံးဖြစ်နေပြီးသူ့ပုခုံးပေါ်ကအလောင်းအိတ်ကြီးမှာလှေပေါ်မှာတုန်းကတွေ့ခဲ့တဲ့မည်းမည်းအကောင်ကြီးကခွထိုင်လို့။သူ့နောက်မှာဇေယျာလည်းမပါတော့ဘူး။လူ၆ယောက်ကတန်းစီလို့။အဲဒီအထဲမှာမှတ်မိတာကတော့ကျွန်တော်မောင်နီစခန်းကိုရောက်ခါစကသေသွားတဲ့ဗလီဆရာအဖိုးကြီးပါပါနေတာဘဲ။ကျွနိတော်ရပ်ကြည့်နေတုန်းအကခကဦးမိုးအောင်ကလည်းလှည့်ကြည့်ပြီး''ချစ်မင်း။မင်းအထုတ်ပစ်ချပြီးပြေးခဲ့တော့ဟေ့။နောက်လှည့်မကြညိ့နဲ့တော့''လို့အော်ပါလေရော။
မောင်ချစ်မင်းလည်းအခြေအနေကိုသဘောပေါက်ဟန်တူပါတယ်။အထုပ်ကိုဝုန်းကနဲနေအောင်ပစ်ချပြီးပြေးတက်လာတာမှကြံခိုင်ရေးဆန်းစစ်ဆိုရင်ဆုတောင်ချိတ်မခားဘဲ။ချောင်းရိုးအပေါ်ရောက်မှချစ်မင်းနဲ့ကျန်တဲ့အဖွဲ့သားတွေရောနောက်လှည့်အကြည့်မှာပစ်ချလိုက်တဲ့အထုပ်ကြီးကိုမည်းမည်းအကောင်ကြီးကစပြီးနှိုက်နေတာဗျို့။ကျန်တဲ့အကောင်တွေကလူပုံပေါ်ပါရဲ့။နှိုက်နှိုက်ပြီးစားနေတာများအားရပါးရ။သူတို့ကြည့်ရတာမြိန်စရာကြီး။ဘယ်လောက်ကြာအောင်ရပ်ကြည့်နေမှန်းမသိဘူး။လှေပေါ်မှာစတွေ့ခဲ့တဲ့အကောင်ကြီးကပါးစပ်ကြီးဖြဲပြီးလျှာထုတ်လိုက်တာလျှာကမြွေတစ်ကောင်လိုကျွန်တော်လိုရပ်နေတဲ့ချောင်းကမ်းပေါ်တရွေ့ရွေ့တက်လာတော့မှချစ်မင်းကစပြီး''အမေရေ''ဆိုပြီးပြေးတာအသက်အကြီးဆုံးဦးမိုးအောင်တောင်မှလည်း''နောက်လှည့်မကြည့်နဲ့ဟေ့''ဆိုပြီးပြေးပါလေရော။ကျွန်တော်လား?ပြေးတာပေါ့သူတို့ရှေ့တော်တေိာတောင်ရောက်နေပြီဟာကို။
ပြေးလိုက်ကြတာစခန်းရောက်တဲ့အထိဘဲ။စခန်းရောက်တော့အမှတ်(၁)စခန်းကကားရောက်နေတာကိုတွေ့လိုက်တယ်။ကျွန်တော်တို့တတွေစကားတောင်မပြောနိုင်သေးဘူး။အမှတ်(၁)စခန်းမှူးဗိုလ်မှူးချစ်ဖေက''ကိုယ်ညီတို့တော်တယ်ကွာ။မှောင်ခိုတောင်မဟုတ်ဘူး။သရဲပါဖမ်းလာကြတယ်ဆို''ဆိုပြီးပြုံးပြုံးကြီးမေးတော့မှ''အကိုကဘယ်လိုသိတာလဲ။''လို့ကျွန်တော်ပြနိမေးတော့''မင်းဆီကကောင်ဇေယျာလေ။မြစ်ကမ်းအတိုင်းပြေးလာတာကိုငါ့စခန်းကကင်းလှည့်တဲ့ကောင်တွေနဲ့တွေ့လို့ခေါ်လာတာနဲ့အကုန်သိပြီးပြီ။ဇေယျာတော့လောလောဆယ်အကြောက်လွန်ပြီးဖျားနေပြီ''ဟုပြောလေသည်။
ကျွန်တော်ကလည်းအဲဒီအခါကျမှဖြစ်ခဲ့သမျှအကုန်ပြောပြလိုက်တယ်။ပြောပြီးမှဗိုလ်မှူးချစ်ခိုင်က''မင်းတို့တော်တော်ကံကောင်းလို့ဘာမှမဖြစ်တာ။ကိုင်းစုရွာပျက်ကမန်ကျည်းပင်ဆိုတာနာမည်ကြီးကွ။နေ့ခင်းကြောင်တောင်မှာတောင်ဆွဲတယ်လို့ကြားတယ်''လို့ပြောပြတော့တယ်။ပြောနေတုန်းဆိုင်ကယ်သံကြားတော့လှမ်းကြည့်တော့ကျေးဇူးရှင်မောင်ဇေယျာကိုလာပို့တဲ့ဆိုင်ကယ်ဖြစ်နေတာကိုး။ဇေယျာရုံးခန်းထဲရောက်တော့သူ့မျက်နှာကြည့်တော့ညိုမည်းနေတာတွေ့တာနဲ့မေးတော့''ဗိုလ်ကြီးရယ်။ကျွန်တော်တို့စထွက်တော့မန်ကျည်းပင်အကျော်မှာကျွန်တော့်ကိုနောက်ကနေဆွဲထားလို့လှည့်ကြည့်တာဘာမှမတွေ့တာနဲ့ရှေ့ပြန်အလှည့်အကောင်ကြီးကကိုချစ်မင်းအပေါ်ကအိတ်ကြီးပေါ်ရောက်နေပြီ။ကျွနိတော်အော်မလို့လုပ်တော့ပါးစပ်ကိုဖြတ်ရိုက်သလိုဘဲကျွန်တော်ဘေးကိုလွင့်သွားတာ။ကျွန်တော်လည်းလှေတော့မှီမှာဘဲဆိုပြီးကမိးနားအတိုင်းပြေးတာလှည့်ကင်းနဲ့တွေ့မှစခန်းကိုသူတို့ဆိုင်ကယ်နဲ့လိုက်ပို့ပေးတာ''လို့ဖြေရှာပါတယ်။
ဗိုလ်မှူးချစ်ခိုင်က''မင်းတို့တော်တော်ကံကောင်းလို့နော်''ဆိုတဲ့စကားထပ်ကာကာပြောပြီးပြန်သွားပါတယ်။ကျွန်တော်တို့လည်းအဲဒီအခါကျမှတယောက်နဲ့တယောက်ကြည့်ပြီးရယ်နိုင်တော့တယ်။ပြောဆိုနေရင်းဦးမိုးအောင်ကကျွန်တော့်ကို''ဗိုလ်ကြီးကျွန်တော်ဘယ်မှာစပြီးသတိထားမိသလဲသိလား''ဟုမေးရာကျွန်တော်ကမသိကြောင်းပြန်ဖြေသဖြင့်ဦးမိုးအောင်မှ''ဟိုတလောကသေသွားတဲ့ဗလီဆရာမာမက်ဒူလာကိုမှတ်မိလား။သူဆေးလိပ်သောက်ရင်စွပ်တဲ့ဆင်စွယ်အစွပ်လေးကိုကောက်မိကတည်းကသတိထားမိတာဗျ''ဟုပြောရင်းဆင်စွယ်အစွပ်လေးကိုပြလေသည်။
နာရီကြည့်တော့မနက်၎နာရီပင်ခွဲလုပြီမို့အိပ်ရာဝင်ရန်ပြင်ဆင်နေစဉ်စခန်းရှေ့ဂိတ်ကင်းတဲမှ''ရပ်။ဘယ်သူလဲ''မေးသံကြားသဖြင့်ဒီအချိနိကြီးဘယ်သူလညပါလိမ့်တွေးပြီးဘော်ရှီးသားအငယ်ကောင်ကိုသွားကြည့်ခိုင်းစဉ်ကင်းသမားလေးဝင်းဇော်ကစခန်းထဲဝင်လာပြီး''ဗိုလ်ကြီးရှေ့မှာဗလီဆရာမာမက်ဒူလာကသူ့ပစ္စည်းတစ်ခုပါသွားလို့လာယူတာလို့ပြောနေပါတယ်ခင်ဗျ''ဟုပြောရာကျွန်တော်မှ''စောက်ရူး။မင်းပထွေးမာမက်ဒူလာကသေတာ၁ပတ်လောက်ရှိပြီဟ''ဟုအော်ပြောသခိုက်စခန်းအရှေ့မှသွားကြည့်ခိုင်းလိုက်တဲ့ဘော်ရှီးသားအငယ်ကောင်က''ရှိုက်တန်။ရှိုက်တန်''ဟုအော်ဝင်လာသခိုက်၊ဦးမိုးအောင်မှ''သောက်ကျိုးတော့နည်းပြီ''ဟုထအော်ရာကျွန်တော်တို့မောင်နီစခန်းတစ်ခွင်အော်သံများလွှမ်းသွားလေသတည်း။
နောက်ရက်များတွင်အထက်ပါမောင်နီစခန်းအတွင်းသရဲဝင်မွှေသွားပုံကိုဆက်တင်ပေးပါမယ်ခင်ဗျား
ကျေးဇူးတင်လျှက်
Winn Myoe Khaing
ဖြစ်ရပ်မှန် ဇာတ်လမ်းကောင်းလေးများကို စဉ်ဆက်မပြတ်ရေးသားပေးပို့ နေ သော ကို ၀င်းမျိုခိုင် ကို ကျွန်တော်တို့ အက်ဒမင်များမှ လှိုက်လှဲစွာကျေးဇူးတင်ရှိပါသည်ခင်ဗျာ.။
လေးစားလျှက်...
Post by:မောင်မိုးတိမ်
 https://www.facebook.com/mmghost